ឯកឧត្តម ឡោក ឆាយ ដឹកនាំកិច្ចប្រជុំត្រួតពិនិត្យដំណើរការវាយតម្លៃបន្តកិច្ចសន្យាដល់បុគ្គលិកជាប់កិច្ចសន្យា
នារសៀលថ្ងៃទី០៥ ខែកក្កដា ឆ្នាំ២០២២ គណៈកម្មការគ្រប់គ្រងដំណើរការវាយតម្លៃបន្តកិច្ចសន្យាដល់បុគ្គលិកជាប់កិច្ចសន្យាចំណុះអគ្គលេខាធិការដ្ឋានព្រឹទ្ធសភា បានប្រជុំក្រោមអធិបតីភាពឯកឧត្តម ឡោក ឆាយ អគ្គលេខាធិការរងព្រឹទ្ធសភា នៅសាលប្រជុំស្លាបខាងកើតនៃអគារក្រហម វិមានព្រឹទ្ធសភា។
កិច្ចប្រជុំផ្តោតសំខាន់លើរបៀបវារៈចំនួនពីរគឺ៖
១-ពិនិត្យ និងសម្រេចលើព្រឹត្តិបត្រវាយតម្លៃបន្តកិច្ចសន្យាការងាររបស់បុគ្គលិកជាប់កិច្ចសន្យា។
២-ពិភាក្សាលើបញ្ហាផ្សេងៗ ព្រមទាំងការចូលរួមផ្តល់ជាមតិយោបល់របស់សមាជិកអង្គប្រជុំ។
ប្រភព៖នាយកដ្ឋានព័ត៌មាន
